Во просториите на шаховскиот клуб „Гамбит“ од Скопје на 19.02 2009 се одржа брзопотезен турнир на кој зедоа учество 11 шахисти, а првото место го освои ИМ Орце Данчевски од ШК „Гамбит“.

Трката околу првото место беше крајно неизвесна и заврши со делба на првото место помеѓу Орце Данчевски и Зоран Танчев од шаховскиот клуб „Карпош“. И двајцата имаа по 8.5 поени, додека третото место му припадна на ФМ Зоран Стојчевски од ШК „Гамбит“.

Комплетната бергер-табела можете да ја преземете овде: gambitcuger1.zip

Судија на турнирот беше Владимир Владимиров од Скопје.

Брзопотезни турнири ќе се одржуваат секој четврток во шаховскиот клуб „Гамбит“, а секоја среда и петок во шаховскиот клуб „Карпош“. Од двата клуба ги покануваат сите шахисти и љубители на шаховската игра да земат учество на турнирите.