До нашиот сајт пристигна расписот за многу силниот отворен меѓународен турнир „Медитеран 2017“ кој се одржува секоја година во Риека, Хрватска. Турнирот е под покровителство на Хрватскиот претседател, г-дин Стјепан Месиќ, и оваа година е со награден фонд од 16000 евра, што е за 4000 евра повеќе од предходната.

Од минатогодишниот турнир: велемајсторите

Алојзије Јанковиќ, Борис Грачев и Борки Предојевиќ.

Првата награда изнесува 3000 евра. Предвидени се 10 главни награди, потоа награди за најдобар Интернационален и најдобар ФИДЕ мајстор, за најдобро пласиран играч со рејтинг помеѓу 2200-2400, три награди за најдобрите шахистки, за најдбар младинец, најдобар ветеран итн... Од оваа година воведен е и награден фонд од 3100 евра, поделен во 10 награди, за играчи со рејтинг помал од 2200. Првата награда во оваа конкуренција изнесува 700 евра.

Пренос на партиите во живо во главната сала.

Турнирот ќе се одржи од 28 ноември до 05 декември 2009 година во просториите на шаховскиот клуб „Ријека“ кои нудат одлични услови за одржување на турнири од ваков тип.  Линк до официјалниот сајт преку логото за турнирот.