Велемајсторот Трајко Недев победи на турнирот кој го организираше Општина Карпош во соработка со шаховскиот клуб Гамбит Асеко Сее. Тој освои 7.5 поени од 9 партии, еден повеќе од групата од пет шахисти кои исто така освоија награди.

Второто место му припадна на ИМ Дејан Стојановски, а понатаму следат ИМ Орце Данчевски, ФМ Зоран Илиќ, ФМ Зоран Стојчевски и ФМ Ристе Менкиноски.

Награди освоија и младиот Коста Пеев за најдобар шахист со рејтинг помал од 2000 поени, како и Живко Ристиќ за најдобар шахист аматер, жител на Општина Карпош.

Турнирот го затвори градоначалникот на Општина Карпош, г-дин Стевче Јакимовски, кој најави организација на уште поголем и поквалитетен шаховски турнир за следната година.

Комплетната табела можете да ја преземете овде.