Ристе Менкиноски е победник на Пролетниот отворен турнир кој се одржа во Скопје од 19-27 март. Струшкиот Фиде мајстор имаше скор од 7 победи и 2 порази. Второто место му припадна на ИМ Марјан Митков кој освои 7 поени но имаше послаб Бухолц, а половина поен зад нив се пласираше Роберт Велески. Тројцата најдобри изборија пласман на Првенството на Македонија кое ќе се одржи во мај, а на кое ќе настапат 10 шахисти.

Турнирот се одржа во просториите на ШК „Гамбит Асеко-Сее“, во организација на Шаховската федерација на Македонија. Учествуваа 46 шахисти а турнирот измина во убава атмосфера со многу борби на шаховските табли. Наградниот фонд изнесуваше 70 000 денари.

Конечната табела како и останатите статистички податоци за турнирот можете да ги погледнете овде.

Партиите во PGN формат можете да ги преземете овде.

Видео од турнирот: