Десет шахисти изборија пласман на Првенството на Македонија, кое ќе се одржи од 10-22 мај во хотелот Континентал во Скопје во организација на Шаховската федерација на Македонија. Првенството ќе се игра по Бергеров систем (секој со секого) и ќе го даде шампионот на Македонија за 2011 година.

Учесниците кои изборија пласман треба да го потврдат своето учество најдоцна до 10 април, во спротивно се смета дека немаат намера да учествуваат на шампионатот. Резервите се одредуваат на следниот начин:

1.  Во случај на отказ на победникот од претходното првенство, пополнувањето се врши по понатамошниот редослед,доколку играчите имаат освоено повеќе од 50% поени.
2.  Ако има откази на играчи од рејтинг листата (јануари 2011 година), пополнувањето се врши по понатамошниот редослед , заклучно со 10-то рангираниот играч по рејтинг.
3.  За откази од Отворениот пролетен турнир, пополнувањето се врши по понатамошниот редослед.Ако се исцрпени резервите од претходното првенство и рејтинг листата (заради наведените ограничувања), дополнувањето се врши по редоследот од Отворениот пролетен турнир.

Редоследот на критериумите ќе се применува како се набројани. Натпреварувач кој ќе стекне право на  учество по еден основ, не може да се третира како квалификуван или резерва по друг основ.

За учесниците кои не се од Скопје, организаторот обезбедува полн пансион во хотелот Континентал. Наградниот фонд изнесува 270 000 денари и е поделен на следниве награди:

Играчите пласирани од VI до X место добиваат по 3000 денари од победа.

Најдобрите тројца ќе изборат пласман на Првенството на Македонија за 2012 година.