Денес во хотелот Дрим во Струга започна Отвореното првенство на Македонија во шах, турнир од меѓународен карактер на кој тројцата најдобропласирани домашни шахисти ќе изборат пласман за Шампионатот на Македонија во 2012 година. Сите резултати можете да ги следите овде. На турнирот настапуваат 42 шахисти од 6 држави. Покрај домашните, дојдоа и шахисти од Бугарија, Србија, Словенија, Албанија и Украина.

Вкупно 18 шахисти се со меѓународни титули, од кои 3 велемајстори, 6 интернационални мајстори, 7 фиде мајстори, 1 женски интернационален мајстор и 1 женски фиде мајстор. Играч со највисок рејтинг е велемајсторот Звонко Станојоски (2491).

Партиите се играат секој ден од 16.30 часот.