Во организација на Шаховскиот сојуз на град Скопје и ШК „13 Ноември“, започна Отвореното првенство на град Скопје на кое се пријавија вкупно 57 учесници, што е убава бројка и подобрување од минатата година. Фаворит број еден според титулата и рејтингот е ВМ Влатко Богдановски , следен од Интернационалните мајстори Марјан Митков, Филип Панчевски, и актуелниот првак на Скопје, Орце Данчевски.

На турнирот се пријавија и голем број млади шахисти што особено радува, а играат и четири дами. Наградниот фонд изнесува 109 000 денари, а партиите се играат секој ден од 17 часот во библиотеката „Страшо Пинџур“ која се наоѓа во зградата на Кјуби. Судии на турнирот се Иван Кочовски и Сашко Лакински.

Резултатите можете да ги следите на Светскиот шаховски сервер за резултати, на следниот линк: http://www.chess-results.com/tnr41287.aspx?lan=1