Интернационалниот мајстор Дејан Стојановски е нов првак на Скопје. Шахистот на Алкалоид со победата против Димитар Качаковски во последното коло им побегна на конкурентите и со 7.5 поени го освои победничкиот пехар.

Второто место му припадна на Ристе Менкиноски кој освои 7.0 поени, а трет е Орце Данчевски со 6.5. Награди освоија и Љубиша Андоновски, Горан Главинац, Роберт Велески, Зоран Танчев и Љубомир Илиќ.

Победникот Дејан Стојановски и Претседателот на ШСС Зоран Јанев

Организаторот се погрижи да има и специјални награди а нив ги освоија:

- Најдобро пласиран учесник со рејтинг од 2000 до 2200 - Срѓан Христовски
- Најдобро пласиран учесник со рејтинг помал од 2000 - Бојана Бејатовиќ
- Најдобар ветеран: Илија Стошевски
- Најдобар младинец: Кренар Таири

Турнирот го затвори Претседателот на Градскиот шаховски сојуз на Скопје, Зоран Јанев, кој им се заблагодари на присутните за учеството и за прикажаната игра а на победникот му го врачи победничкиот пехар.

На првенството настапија 41 шахист. Судии беа Вахидин Исмаили и Ицко Стојановски.