По одржувањето на Јуниорската лига на Алкалоид која беше одлично прифатена од младите шахисти и која понуди многу возбудливи борби и дружење на младите, Шаховската федерација на Македонија го организира Екипното првенство за млади шахисти до 16 години. Натпреварувањето ќе се одржи во повеќе градови во Македонија за време на викендите во април и мај.

Пријавувањето е до 25 март а можат да настапат екипи на шаховски клубови и школи, како и други субјекти кои организирано се занимаваат со шаховска активност. Екипите ќе бидат составени од четири шахисти а секоја екипа ќе може да пријави четири резерви. Шаховската федерација на Македонија ги покрива патните трошоци за екипите.

Расписот со сите информации можете да го преземете овде.