Општина Карпош и шаховскиот клуб Гамбит Асеко-Сее по втор пат ќе го организираат Меѓународниот Отворен Турнир - Карпош 2012, овој пат со зголемен награден фонд кој изнесува 15000 евра.

Турнирот ќе се одржи од 07-14 април 2012, а пријавувањето е можно најдоцна до 7 април во 16.20. Турнирот ќе се игра по швајцарски систем од 9 кола, отворен е за сите а уписнината (од која се ослободени шахисти со рејтинг повисок од 2400) изнесува 30 евра.

За сите подетални информации контактите ќе ги пронајдете во официјалниот Распис за турнирот кој во моментов е достапен на англиски јазик.