Општина Карпош и шаховскиот клуб Гамбит Асеко-Сее продолжуваат со шаховски активности и оваа година. Изминатиов викенд беше одржан меѓународен турнир во забрзан шах, кој може да се пофали и со масовност (66 учесници) и со квалитет. Покрај најдобрите Македонски шахисти настапија и шест учесници од соседството, а победи Бугарскиот велемајстор Владимир Петков со 7.5 поени од 9 партии.

Најдобар од нашите шахисти беше Зоран Стојчевски кој го освои второто место со 7 поени, исто колку и Трајко Недев, но со подобар Бухолц.

Конечна табела

Организаторот покрај редовните награди подели и специјални, и тоа:

- Најдобар млад играч (до 18 години) е Тони Лазов
- Најдобра шахистка е Моника Стојковска
- Најдобар ветеран е Љубомир Хаџиманев
- Најдобар шахист со рејтинг помал од 2000 поени - Љупчо Ѓоршев

Турнирот се одржа во старите простории на Општина Карпош во убава атмосфера, а судии беа Иван Кочовски и Сашко Лакински.